ფრანგული მედიის ინფორმაციით, საქართველოს ნაკრების ლიდერმა, მამუკა გორგოძემ, შესაძლოა “მონპელიეს” უმნიშვნელოვანესი მატჩი გამოტოვოს პარასკევს, “ტოპ 14”-ის 24-ე ტურში, სტუმრად დათო ზირაქაშვილისა და ვიქტორ კოლელიშვილის “კლერმონ ოვერნთან”.

ამის მიზეზი ბარძაყის ის ტრავმაა, რომელიც 27 წლის ფლანკერმა გასულ ტურში, “ლიონთან” შეტაკებაში მიიღო, სადაც 3 ლელო დადო და ტურის სიმბოლურ ნაკრებშიც მოიპოვა ადგილი.

ამჟამად მონპელიელთა სამედიცინო შტაბი ყველა ღონეს ხმარობს, რომ მამუკა ფეხზე დაყენოს გუნდისთვის ამ მეტად მნიშვნელოვან პერიოდში.

შეგახსენებთ, რომ ფრანგულ “ტოპ 14”-ში რეგულარული სეზონის დასრულების შემდეგ, ფლეი-ოფში საჩემპიონო ბრძოლას 6 საუკეთესო გუნდი აგრძელებს. 1-2-ე ადგილზე გასული გუნდები პირდაპირ ერთმატჩა საშინაო ნახევარფინალში ხვდებიან, ხოლო 3-4-ე ადილებზე გასულები ასევე ერთმატჩა მეოთხედფინალში 5-6-ე პოზიციების დამკავებელ გუნდებს უმასპინძლებენ. რეგულარული ჩემპიონატის დასრულებამდე 3 ტურია დარჩენილი.   

Internet.ge