“რეალთან” ჩემპიონთა ლიგის ½ ფინალის განმეორებითი მატჩის წინ, “ბაიერნის” გარემარბმა, ფრანკ რიბერიმ განაცხადა, რომ ახლა შესანიშნავ ფორმაში იმყოფება და მზად არის ფინალში გასასვლელად საბრძოლველად.

შეგახსენებთ, რომ ამ წყვილის პირველ შეხვედრაში, მიუნხენელებმა 2:1 გაიმარჯვეს.

“ეს ყველაზე მნიშვნელოვანი მატჩია ჩემი “ბაიერნული” კარიერის განმავლობაში. ამ ეტაპზე საუკეთესო ფორმაში ვარ. ამის მიუხედავად, მარტო ვერ შევძლებ მადრიდის “რეალის” დამარცხებას - აუცილებელია გრანდიოზული გუნდური ძალისხმევა ამ მიზნის მისაღწევად.

კარგად გვესმის, რომ ძალიან ძნელი იქნება ჩემპიონთა ლიგის ფინალში გასვლა, რადგანაც მადრიდელებს შესანიშნავი გუნდი ჰყავთ. ჩემზე დიდი შთაბეჭდილება მოახდინა მათმა გამარჯვებამ “ბარსელონასთან” - განაცხადა ფრანგმა ფეხბურთელმა დღევანდელი ბრძოლის წინ.

 Internet.ge