გუშინ “ატლანტა ჰოუქსის” სამედიცინო შტაბმა საბოლოო ვერდიქტი დასვა ზაზა
ფაჩულიას ტრავმასთან დაკავშირებით - საქართველოს ნაკრების კაპიტანს მარცხენა ფეხის
ძვალი დაზიანებული აღმოაჩნდა და მის განკურნებას 4-6 კვირა დასჭირდება.
შეგახსენებთ, რომ 28 წლის ცენტრმა ტრავმა 13 აპრილს, ნბა-ს რეგულარული
ჩემპიონატის მატჩში მიიღო “ორლანდო მეჯიქთან”. მას შემდეგ ვრცელდებოდა
ურთიერთგამომრიცხავი ცნობები მის დაბრუნებასთან დაკავშირებით, თუმცა სამწუხაროდ
საქმე გაცილებით უფრო რთულად აღმოჩნდა, ვიდრე ეს მოსალოდნელი იყო.
ფაქტია, რომ “ჰოუქსი” უმძიმეს მდგომარეობაში აღმოჩნდა ფლეი-ოფის პირველ
სერიაში “ბოსტონ სელტიქსთან” - გუნდს ტრავმირებული ჰყავს ორივე მთავარი ცენტრი. ამ
ყოველივეს ერთ-ერთი ლიდერის, ჯოშ სმითის დაზიანებაც ემატება, რამაც კითხვის ნიშნის
ქვეშ დააყენა მისი მონაწილეობა ხვალ გამთენიისას სერიის მე-3 მატჩში. ანგარიში
1:1-ია.
Internet.ge
