“ჩელსის” ბრაზილიელ ცენტრალურ მცველს დავიდ ლუიზს ძალიან სურს მომავალი სეზონიდან “ბარსელონაში” თამაში და დარწმუნებულია, რომ თავისი სათამაშო სტილით ზუსტად ერგება ამ გუნდის მანერას.

25 წლის ფეხბურთელის გარემოცვა და აგენტი ირწმუნებიან, რომ კატალუნიელთა მომავალი მთავარი მწვრთნელის ტიტო ვილანოვასთვის დავიდ ლუიზის ტრანსფერი უფრო მნიშვნელოვანია, ვიდრე “მილანის” მცველის ტიაგუ სილვას შეძენა.

თუმცა ამ ეტაპზე დავიდ ლუიზის მთელი ფიქრები ჩემპიონთა ლიგის ფინალთანაა დაკავშირებული, სადაც მიუნხენის “ბაიერნის” დამარცხებაზე ოცნებობს.  

Internet.ge