ლონდონის “არსენალი” აკეთებს ყველაფერს, რათა როგორმე შეინარჩუნოს გუნდის ლიდერი რობინ ვან პერსი - კლუბი უახლოეს პერიოდში ახალ 4-წლიან კონტრაქტს შესათავაზებს ფეხბურთელს, სადაც ჰოლანდიელისათვის განსაკუთებული პირობები იქნება შეტანილი.

28 წლის ფორვარდის მიმდინარე კონტრაქტი “მეთოფეებთან” 2013 წლის ივნისში იწურება, ამიტომაც “არსენალი” ცდილობს, რომ პრემიერლიგის მიმდინარე სეზონის საუკეთესო მოთამაშესთან ყველა საკითხი ევროპის ჩემპიონატის დაწყებამდე დაარეგულიროს.

თუმცა ჰოლანდიის ნაკრების თავდამსხმელით ასევე ძალიან არის დაინტერესებული ტურინის “იუვენტუსი”, რომელიც არ მალავს, რომ მისი მთავარი სატრანსფერო სამიზნე ზაფხულში სწორედ ვან პერსი იქნება.

Internet.ge