საქართველოს 17-წლამდე ნაკრები ევროპის ჩემპიონატის ნახევარფინალში
გავიდა - A ჯგუფის გადამწყვეტ მატჩში ქართველებმა
ისლანდიელი თანატოლები დაამარცხეს 1:0 და კონტინენტის 4 საუკეთესო გუნდს
შორის მოხვდნენ.
შეხვედრის გადამწყვეტი გოლი დასასრულამდე 7 წუთით ადრე დათო დარციმელიამ
გაიტანა. შედეგად ჩვენი გუნდი ჯგუფში მე-2 ადგილზე გავიდა გერმანიის შემდეგ და
ნახევარფინალში თამაშის უფლება მოიპოვა, სადაც მისი მეტოქე მრისხანე ჰოლანდიის
ნაკრები იქნება. ჰოლანდიელებმა B ჯგუფში პირველი ადგილი დაიკავას 1 გამარჯვებითა
და 2 ფრეთი.
საქართველო-ჰოლანდიის ნახევარფინალი 13 მაისს სლოვენიის დედაქალაქ
ლუბლიანას სტადიონ “სტოჟიცეზე” გაიმართება და თბილისის დროით 22.30 საათზე დაიწყება.
Internet.ge
