მამუკა გორგოძემ მინიმალური სასჯელი, 10 დღიანი დისკვალიფიკაცია მიიღო და 25 მაისს “მონპელიეს” შემადგენლობაში, საფრანგეთის “ტოპ 14”-ის მეოთხედფინალში თამაშს შესძლებს ანტონ ფეიქრიშვილის “კასტრთან”.

ასეთი გადაწყვეტილება მიიღო ფრანგული ლიგის სადისციპლინო კომიტეტმა, რომელიც იმ ინციდენტს განიხილავდა, რაც გასულ შაბათს, “ტოპ 14”-ის ბოლო ტურში მოხდა, “ტულუზა”-“მონლეპიეს” (20:13) შეხვედრაში, სადაც საქართველოს ნაკრების ლიდერმა და საფრანგეთის ნაკრების მორკინალმა იოან მაესტრიმ იჩხუბეს. შედეგად ორივე მორაგბემ წითელი ბარათი მიიღო და მოედნიდან იქნენ გაძევებულნი.

Internet.ge