მადრიდის “რეალს” აღარ აქვს თავისი ნახევარმცველის კაკას იმედი და მის გაყიდვას აპირებს - “სამეფო კლუბი” მზად არის დაიწყოს მოლაპარაკებები ტრანსფერზე იმ კლუბთან, რომელიც 30 წლის ბრაზილიელში 25-30 მილიონ ევროს გადაიხდის.   

ესპანური პრესის ინფორმაციით, გუნდის მთავარმა მწვრთნელმა ჟოზე მოურინიომ საბოლოოდ დაკარგა მის მიმართ რწმენა: “იყო შეხვედრები, სადაც კაკამ მნიშვნელოვანი როლი შეასრულა, მაგრამ ასევე იყო მატჩები, სადაც მისი თამაშით არც მე და არც თვითონ ის კმაყოფილი არ ვიყავით” - თქვა პორტუგალიელმა სპეციალისტმა.

შეგახსენებთ, რომ თავის დროზე “რეალმა” კაკაში “მილანს 67 მილიონი ევრო გადაუხადა და მისი წლიური ხელფასი 9 მილიონ ევროს შეადგენს.

Internet.ge