იტალიის სერია “ა”-ს ფლეი-ოფის პირველ მეოთხედფინალურ მატჩში ვიქტორ სანიკიძის “კანადიან სოლარი” გასვლაზე დამარცხდა ნიკა მეტრეველის “ბანკო დი სარდინიასთან” 72:81 და სერიაში ანგარიშია 0:1 გახდა.

საქართველოს ნაკრების 203 სანტიმეტრიანმა ფორვარდმა სეზონის ერთ-ერთი ყველაზე დაბალშედეგიანი შეხვედრა ჩაატარა - 26 წლის სანიკიძემ 31 წუთში 12 მოხსნისა და მხოლოდ 2 ქულის დაგროვება შეძლო. ვიქტორმა 6-დან 1 ორქულიანი ჩაგდო და ორივე 3-ქულიანი ააცილა.

რაც შეეხება ნიკა მეტრეველს, ის მწვრთნელების გადაწყვეტილებით სათადარიგოთა შორის იჯდა.

მანუჩარ მარკოიშვილისა და გიორგი შერმადინის “ბენეტ კანტუ” თავის მეოთხედფინალურ ბრძოლას დღეს გამართავს “სკავოლინისთან”.

Internet.ge