“მანჩესთერ სითის” ხელმძღვანელობა დაინტერესებულია “მილანის” ბრაზილიელი ცენტრალური მცველის ტიაგუ სილვას შეძენით და მზად არის იტალიურ კლუბს მის სანაცვლოდ ჭირვეული ფორვარდი მარიო ბალოტელი შესთავაზოს. ამ ინფორმაციას “La Gazzetta dello Sport” ავრცელებს.

თავის მხრივ “როსონერების” ვიცე-პრეზიდენტმა ადრიანო გალიანიმ არაერთხელ გამოხატა სურვილი გუნდში იხილოს 21 წლის ბალოტელი, რაც უფრო ზრდის ამ შესაძლო გაცვლის შანსებს.

გასულ სეზონში 27 წლის ტიაგუ სილვამ 34 მატჩი ჩაატარა “მილანის” შემადგენლობაში და 3 გოლი გაიტანა, ხოლო მარიო ბალოტელიმ “მანჩესთერ სითის” 29 შეხვედრაში 16 გოლის გატანა შესძლო.

Internet.ge