პორტუგალიის ნაკრებისა და მადრიდის “რეალის” გარემარბი კრიშტიანუ რონალდუ
თვლის, რომ მომავალ ევროპის ჩემპიონატზე განსაკუთრებულ სიურპრიზებს არ უნდა ველოდეთ.
პორტუგალიელი იმედოვნებს, რომ მისი გუნდი შესძლებს მეოთხედფინალში
გასვლას ჯგუფიდან, სადაც მისი მეტოქეები: გერმანიის, ჰოლანდიის და დანიის
ნაკრებები იქნებიან.
“არ ვფიქრობ, რომ ევროპის ჩემპიონატზე ბევრი სიურპრიზი იქნება. ესპანეთი
ძალიან ძლიერად გამოიყურება, თუმცა მის გარდა კიდევ არიან სერიოზული ნაკრებები.
ჩვენ ძალიან რთულ “სიკვდილის ჯგუფში” ვიმყოფებით და პორტუგალიის უპირველესი
ამოცანა ფლეი-ოფში გასვლაა. ვიმედოვნებ, რომ დასახულ ამოცანას მივაღწევთ” -
განუცხადა რონალდუმ ფიფას ოფიციალურ ვებგვერდს.
Internet.ge
