საქართველოს ნაკრების ცენტრის გადასვლას ისრაელის კლუბში სკანდალი მოჰყვა - “ბენეტ კანტუ” გიორგი შერმადინის ტრანსფერის გამო “მაქაბის” ფიბაში უჩივის - იტალიელები თვლიან, რომ საქართველოს ნაკრების ცენტრის თელ-ავივურ გუნდში გადასვლა კანონის დარღვევით მოხდა.

შეგახსენებთ, რომ 23 წლის და 216 სანტიმეტრიანი ქართველი მომავალი სეზონიდან ევროპის ერთ-ერთ ყველაზე ამბიციურ კლუბში ითამაშებს, რომელმაც სახელოვან მწვრთნელთან დევიდ ბლატთან კონტრაქტი გააგრძელა და დიდი გეგმებიც აქვს, როგორც ევროლიგაში, ისე ისრაელის ჩემპიონატში.

ამასობაში, მანუჩარ მარკოიშვილის “კანტუ” შერმადინის წასვლით გამოწვეული სიცარიელის შევსებას ცდილობს და როგორც კლუბის სპორტულმა დირექტორმა ბრუნო არიგონიმ განაცხადა, მათი პირველი შენაძენი სწორედ ცეტრი იქნება.

Internet.ge