გერმანული პრესის ინფორმაციით, რამდენიმე ფორმალური საკითხიღა რჩება მოსაგვარებელი ალექსანდრე იაშვილსა და „ბოხუმს“ შორის. ასე რომ, სულ მალე იაშვილი და „ბოხუმის“ კიდევ ერთი ქართველი ლეგიონერი ნიკა გელაშვილი თანაგუნდელები იქნებიან.

გავრცელებული ინფორმაციის თანახმად, რამდენიმე დღეში „იაშკა“ კონტრაქტს მოაწერს ხელს. მიუხედავად იმისა, რომ იაშვილის ყოფილ გუნდში „კარლსრუეში“ მისი გაშვება არავის უნდა, მესამე ბუნდესლიგაში გავარდნილ გუნდში „იაშკა“ საკუთარ ადგილს ვერ ხედავს.

„როდესაც უკეთესი ლიგიდან გაქვს შემოთავაზება, უარის თქმა ძნელია. დიდი მადლობა“კარლსრუეს“ და მის ერთგულ ქომაგებს. ეს გუნდი არასდროს დამავიწყდება“ - განაცხადა იაშვილმა deufotball.com- თან საუბრისას.

შეგახსენებთ, რომ  „იაშკა“ “კარლსრუეში” 2007 წლიდან თამაშობს, თავიდან ბუნდესლიგაში გამოდიოდა, შემდეგ II ბუნდესლიგაში გავარდა და წლეულს ეს ლიგაც დატოვა.

internet.ge