ზაფხულის სატრანსფერო ფანჯრის დროს “მანჩესთერ სითი” კიდევ ერთხელ შეეცდება მადრიდის “რეალის” გარემარბის კრიშტიანუ რონალდუს ყიდვას. ბრიტანული პრესის ინფორმაციით, ინგლისური კლუბი მზად არის 130 მილიონი დოლარი გადაიხადოს 27 წლის ფეხბურთელში.
რონალდუს კონტრაქტი “სამეფო კლუბთან” 2015 წლამდეა გათვლილი, თუმცა “სითი” აქამდე არნახულ ხელფასს სთავაზობს კრიშტიანუს - მანჩესთერელებთან გადასვლის შემთხვევაში ის კვირაში 600 ათას ევროს მიიღებს.
სადღეისოდ “მანჩესთერ სითის” ყველაზე მაღალანაზღაურებადი ფეხბურთელი არგენტინელი ფორვარდი კარლოს ტევეზია, რომელიც კვირაში 250 ათას ევროს იღებს.
Internet.ge
