მორიგი ძლიერი მატჩი ჩაატარა ბელგიის ჩემპიონატის ფინალში თორნიკე შენგელიამ, რომელსაც ორმაგ დუბლამდე მხოლოდ ერთი მოხსნა დააკლდა, ხოლო მისმა „შარლერუამ“   ფინალის მე-4 შეხვედრაში „ოსტენდე“ დაამარცხა 70:65 და სერიაში ანგარიში გაათანაბრა 2:2. ბელგიის ჩემპიონის ვინაობა ფლეი-ოფის მე-5 მატჩში გაირკვევა, რომელიც 8 ივნისს „ოსტენდეს“ დარბაზში გაიმართება.

საქართველოს ნაკრების 20 წლის ფორვარდმა მოედანზე მთლიანობაში 17 წუთი გაატარა და დროის ამ მონაკვეთში თავის გუნდს 10 ქულა და 9 მოხსნა შესძინა. 207 სანტიმეტრიანმა შენგელიამ 8-დან 3 ორქულიანი და 5-დან 4 საჯარიმო ჩააგდო, ხოლო 1 სამქულიანი არაზუსტი გამოდგა. 

internet.ge