საქართველო ევროპის “ერთა თასის” ჩემპიონი მეხუთედ გახდა - “ბორჯღალოსნებმა” გათამაშების ბოლო ტურში სტადიონ “ავჭალაზე” 33:3 დაამარცხეს აუთსაიდერი უკრაინა და ტიტული შეინარჩუნეს.

ექსპერიმენტალური შემადგენლობით მოასპარეზე მილთონ ჰეიგის გუნდმა, რომელიც დღეს ამერიკულ ტურნეში გაემგზავრა აშშ-სა და კანადის ნაკრებებთან სათამაშოდ, 5 ლელო დაუდო მეტოქეს და საკუთარ კარში 1 ჯარიმა მიიღო.

2-2 ლელო ვახტანგ მაისურაძისა და ირაკლი მაჩხანელის ანგარიშზეა, ხოლო ერთხელაც თავი ახალგაზრდა მერაბ შარიქაძემ გამოიჩინა. აღსანიშნავია, რომ თავის მე-80 მატჩი ჩაატარა საქართველოს ნაკრების შემადგენლობაში კაპიტანმა ირაკლი აბუსერუძემ.

საქართველო 33:3 უკრაინა

5 ლელო: შარიქაძე, ვ. მაისურაძე (2), მაჩხანელი (2);

4 გარდასახვა: ყიასაშვილი

Internet.ge