იტალიის ნაკრების მთავარი მწვრთნელის ჩეზარე პრანდელის განცხადებით, მისი
გუნდი მზად არის ევროპის ჩემპიონატის C ჯგუფის დღევანდელ მატჩში ხორვატიასთან
შემტევი ფეხბურთი ითამაშოს და მხოლოდ 3 ქულის მოპოვებაზე იქნება ორიენტირებული.
“ხორვატია ორგანიზებული გუნდია, რომელსაც კარგად გამოსდის თავით თამაში.
ამას გარდა, მათ უყვართ მატჩის მსვლელობისას ტაქტიკური სქემების ცვლა და
სიურპრიზების შეთავაზება მეტოქისათვის. ესპანეთთან შედარებით, ეს სრულიად
განსხვავებული ნაკრებია, რომლის დასამარცხებლადაც ძალების მაქსიმალური მობილიზება
გვჭირდება.
“თუმცა ჩვენც გვაქვს გარკვეული სიურპრიზები მომზადებული მათთვის, რასაც
შეხვედრის მსვლელობის დროს ნახავთ. ერთი რამ ახლავე შემიძლია დაგპირდეთ, რომ
იტალია ხორვატიასთან შემტევ ფეხბურთს აჩვენებს” - თქვა პრანდელიმ.
Internet.ge
