საქართველოს ნაკრების 20 წლის ფორვარდი თორნიკე შენგელია ისტორიაში მეოთხე ქართველი კალათბურთელი იქნება (ვლადიმერ სტეფანია, ნიკოლოზ ცქიტიშვილი, ზაზა ფაჩულია), ვინც ნბა-ში ითამაშებს.

დღეს გამთენიისას ნიუ ჯერსის “პრუდენშელ სენთერში” გამართული 2012 წლის ნბა-ს დრაფი ისტორიული გამოდგა ქართული კალათბურთისთვის - საქართველოს ნაკრების ფორვარდი თორნიკე შენგელია მეორე რაუნდში 54-ე ნომრად აირჩია “ფილადელფია 76”-მა და მაშინვე მასზე უფლებები “ბრუკლინ ნეთსს” მიჰყიდა.

“ვიცი, რომ “ნეთსი” ახალგაზრდული გუნდია, მაგრამ ბევრი ინფორმაცია არ მაქვს ქალაქის შესახებ, რადგანაც ეს ჩემი პირველი ჩამოსვლაა აშშ-ში. მე მთელს ენერგიას ჩავდებ მოედანზე, შემიძლია თამაში სხვადასხვა პოზიციებზე…” - განაცხადა აღელვებულმა თორნიკემ დრაფტის დასრულების შემდეგ.

ჟურნალისტის კითხვაზე, თუ ვის შეადარებდა საკუთარ თავს თამაშის მანერით ნბა-ს ცნობილი კალათბურთელებიდან, ქართველმა უპასუხა, რომ საკუთარ თავს ხედავს, როგორც “ტანიან მანუ ჯინობილის”, თუმცა ძალიან ბევრი აქვს სამუშაო სროლაზე.

Internet.ge