ევროპის 2012 წლის ჩემპიონატის ნახევარფინალში იტალიასთან მარცხის შემდეგ (1:2) მთელი გერმანია ნაკრების წარუმატებლობის თემას განიხილავს. საქმეში გერმანელი პოლიტიკოსებიც ჩართვნენ, რომლებსაც არ მოსწონთ ის ფაქტი, რომ ეროვნული ჰიმნის დროს ყველა გერმანელი ფეხბურთელი არ მღერის.

აღსანიშნავია, რომ მრავალი მათგანი ეროვნებით გერმანელი არ არის და არ თვლის თავს ვალდებულად ჰიმნის დროს იმღეროს. პოლიტიკოსების საერთო განწყობა გამოხატა ბავარიის მხარის შინაგან საქმეთა მინისტრმა იოახიმ ჰერმანმა: “ჰიმნი, რომელიც ჟღერს ეროვნული ნაკრების მატჩების წინ, აერთიანებს იმ მომენტში ქვეყანას და გუნდს, ამიტომაც მეტად მნიშვნელოვანია, რომ ყველა ფეხბურთელმა იმღეროს. ხოლო ვისაც არ აქვს ამის სურვილი, მაშინ საკუთარ კლუბში დარჩეს, ნაკრებში მას არაფერი ესაქმება.”

internet.ge