საქართველოს ნაკრების ნახევარმცველი ჯანო ანანიძე მოსკოვის “სპარტაკის” იმ 27 ფეხბურთელს შორისაა, რომლებიც ავსტრიაში წინასასეზონო მოსამზადებელ შეკრებაზე გაემგზავრნენ. მზადების ეტაპი 16 ივლისამდე გაგრძელდება.

19 წლის ქართველი “სპარტაკის” შემადგენლობაში 4 საკონტროლო შეხვედრას გამართავს: 6 ივლისს ზაგრების “დინამოსთან”, 7 ივლისს რუმინეთის “ასტრასთან”, 12 ივლისს ჩეხურ “ვიქტორია პლზენთან” და 13 ივლისს დრეზდენის “დინამოსთან”.   

შეგახსენებთ, რომ მოსკოვის “სპარტაკის” მთავარ მწვრთნელად ცნობილი ესპანელი სპეციალისტი უნაი ემერი დაინიშნა, რომელიც მანამდე 4 წლის განმავლობაში “ვალენსიას” წვრთნიდა.

internet.ge