ტურინის “იუვენტუსმა” ულტიმატუმი წაუყენა “ნაპოლის” ფორვარდს ედისონ კავანის, რათა მან საბოლოო გადაწყვეტილება მიიღოს ტრანსფერთან დაკავშირებით. იტალიის ჩემპიონი მზად არის, ურაუგვაელ ფორვარდს წელიწადში 5 მილიონი ევრო გადაუხადოს, თუ ის “ბებერ ქალბატონში” გადასვლას დასთანხმდება.

თავის მხრივ ნეაპოლელები ყველანაირად ცდილობენ, რომ კავანი შეინარჩუნონ და მას კონტრაქტის გახანგრძლივებას 2017 წლამდე სთავაზობენ ყოველწლიური ხელფასის 3 მილიონი ევროს ანაზღაურებით.

ამას გარდა, “იუვენტუსი” მზადაა, ფულადი ანაზღაურების გარდა “ნაპოლის” კომპენსაციის სახით ტრანსფერში თავდამსხმელი სებასტიან ჯოვინკო შესთავაზოს.

internet.ge