საქართველოს ნაკრების ფორვარდმა ვიქტორ სანიკიძემ პირველი კომენტარი
გააკეთა მას შემდეგ, რაც იტალიის ჩემპიონ სიენას “მონტეპასკისთან” 2+1 კონტრაქტი
გააფორმა.
“ჩემთვის დიდი პატივია “მონტეპასკიში” გადასვლა, ეს არის შანსი დიდი
კლუბში თამაშისა, რომელმაც იტალიაში ბოლო ექვსი ჩემპიონატი მოიგო. დარწმუნებული
ვარ, რომ გუნდი ახალ სეზონშიც წარმატებულად იასპარეზებს, როგორც შიდა ჩემპიონატში,
ასევე ევროპაშიც.
ასევე განსაკუთრებული მომენტი იქნება ევროლიგაში თამაში, სადაც ევროპის
საუკეთესო გუნდები არიან გაერთიანებულნი. ეს არის იმის შესაძლებლობა, რომ მივიღო
ფასდაუდებელი გამოცდილება და გავიზარდო, როგორც მოთამაშე” - უთხრა 26 წლის
სანიკიძემ “მონტეპასკის” ოფიციალურ ვებ-გვერდს.
internet.ge
