“დილა” ევროპის ლიგის შემდეგ ეტაპზე გავიდა -  გორელებმა განმეორებით შეხვედრაშიც სძლიეს დანიური “ორჰუსი” 3:1 და მესამე რაუნდში მათი მეტოქე კვიპროსულ “ანორთოსისსა” და ესტონურ “ლევადიას” წყვილში გამარჯვებული იქნება.

თბილისის “მიხეილ მესხზე” მატჩი “დილასათვის” ცუდად დაიწყო და პირველი 45 წუთის შემდეგ მეტოქე 1:0 დაწინაურდა, თუმცა მეორე ნახევარში მათე ვაწაძის დუბლითა და გიორგი შაშიაშვილის გოლით ქართულმა გუნდმა თამაშში გარდატეხის შეტანა შესძლო.

“დილა”-“ორჰუსი” 3:1 (0:1)

დილა: სკენდერი, სალუქვაძე, ონიანი, შაშიაშვილი, კვირკველია, კაშია (ბეჭვაია 27), ალადაშვილი (ახალკაცი 57), გოგუა (მოდებაძე 77), გრიგალაშვილი, ვაწაძე, გურული.

გოლები: 0:1 სკენდერი (34, ს.კ.), 1:1 ვაწაძე (62), 2:1 შაშიაშვილი (74), 3:1 ვაწაძე (83).

Internet.ge