ევროტურნირებს შემორჩენილი ერთადერთი ქართული კლუბის გორის “დილას” მეტოქე ევროპის ლიგის მე-3 შესარჩევ ეტაპზე კვიპროსული “ანორთოსისი” იქნება. პირველი შეხვედრა 2 აგვისტოს თბილისში გაიმართება, განმეორებითი კი 9 აგვისტოს ლარნაკაში.

შეგახსენებთ, რომ ევროპის ლიგის მეორე შესარჩევ ეტაპზე გუშინ გორელებმა თბილისის “მიხეილ მესხზე” დანიის “ორჰუსი” გააკრეს ბეჭებზე 3:1, ხოლო “ანორთოსისმა” მეორე მატჩშიც გაანადგურა ესტონური “ლევადია” და შემდეგ ეტაპზე თამაშის უფლება ასე მოიპოვა.

ევროპის ლიგას გამოეთიშა რუსთავის “მეტალურგი”, რომელიც გუშინ გვიან ღამით ჩეხეთში 0:2 დამარცხდა “ვიკტორია პლზენთან”.

Internet.ge