“ნაპოლის” ერთ-ერთმა ლიდერმა ედინსონ კავანიმ განაცხადა, რომ ბოლომდე სჯერა გუნდის შესაძლებლობების და არ აპირებს მის დატოვებას ზაფხულის სატრანსფერო ფანჯრის დროს.

 აღსანიშნავია, რომ 25 წლის ურუგვაელი დღეს ერთ-ერთი ყველაზე მოთხოვნადი და ძვირადღირებული ფორვარდია ევროპაში.

 “ჩვენმა მწვრთნელმა ვალტერ მაცარიმ გრანდიოზული სამუშაო გასწია, შექმნა შესანიშნავი გუნდი და ამის ნაყოფს ჯერ კიდევ მოვიმკით მომავალში - ამაში ეჭვი არ მეპარება.

 “ნაპოლის” მიზანი იტალიაში ჩემპიონის ტიტულის მოპოვებაა და მომავალ სეზონზე ამ მწვერვალის შტურმით აღებას შევეცდებით” - უთხრა კავანიმ “Corriere dello Sport”-ს.

 Internet.ge