საქართველოს ძალოსანთა ნაკრების ლიდერმა რაულ ცირეკიძემ 85 კილოგრამ წონით კატეგორიაში B ჯგუფში გამოსვლა მეორე ადგილზე დაასრულა - ქართველმა სპორტსმენმა ორივე დისციპლინაში: ატაცსა და აკვრაში ჯამური 362 (162+200) ქულა აჩვენა, რაც მაღალი დონის შედეგი არ არის.

წინასწარი პროგნოზით, ცირეკიძეს ამ მაჩვენებლით მედლის მოპოვების ძალიან ცოტა შანსი აქვს. ყველაფერი გვიან ღამით გაირკვევა, როდესაც ასპარეზობაში უძლიერესთა A ჯგუფი ჩაებმება.

“გული მწყდება, რომ უკეთესად ვერ გამოვედი. რა თქმა უნდა, ძალიან უკმაყოფილო ვარ. პირველ მოძრაობაში ორი შანსი ვერ გამოვიყენე და საბოლოო შედეგზე ამანაც იმოქმედა” - თქვა შეჯიბრების შემდეგ ქართველმა.

Internet.ge