ბერძნულ-რომაული სტილის მოჭიდავე სამივე ქართველმა ფალავანმა 6 აგვისტო წარმატებულად დაიწყო - რევაზ ლაშხმა 60 კგ-ში, ვლადიმერ გეგეშიძემ 84 კგ-ში და გურამ ფერსელიძემ +120 კგ-ში თავიანთი მერვედფინალური ბრძოლები მოიგეს და შემდეგ ეტაპზე გავიდნენ.

ლაშხმა პირველ ეტაპზე ეგვიპტელ საიდ ჰამედს მოუგო 2:0. გეგეშიძემ მეტად დაძაბული ბრძოლა გადაიტანა აზერბაიჯანელ სამან ტაჰმასებთან - მეტოქეებმა თითო სეტი გაცვალეს, გადამწყვეტ სეტში კი ქართველი უფრო ძლიერი აღმოჩნდა. მძიმეწონოსანმა ფერსელიძემ კი შანსი არ დაუტოვა ჩილელ ანდრეს აიუბს.

Internet.ge