ზაზა ფაჩულიამ ერთ-ერთი საუკეთესო მატჩი ჩაატარა ნბა-ს მიმდინარე სეზონზე - რეგულარული ჩემპიონატის მორიგ შეხვედრაში მისმა “ატლანტა ჰოუქსმა” გასვლაზე გაანადგურა “ჩარლოთ ბობქეთსი” 116:96 და ქართველმა ცენტრმა ეფექტურობის ყველაზე მაღალი მაჩვენებელი დააგროვა ორივე გუნდის შემადგენლობაში +29.

საქართველოს ნაკრების კაპიტანი სასტარტო ხუთეულში გამოვიდა და მოედანზე მთლიანობაში 38.01 წუთი გაატარა - დროის ამ მონაკვეთში ზაზამ 12 ქულა, 16 მოხსნა და 3 შედეგიანი გადაცემა გააკეთა. ფაჩულიამ 6 ორქულიანიდან 5 ჩააგდო და ორივე საჯარიმო ზუსტად მოათავსა კალათში.

ამ გამარჯვების შემდეგ “ატლანტა ჰოუქსმა” მე-5 ადგილზე გადაინაცვლა აღმოსავლეთის კონფერეციაში.   

Internet.ge