საქართველოს ნაკრების ჰუკერი ჯაბა ბრეგვაძე ვეღარ შესძლებს ამ სეზონში “ტულუზას” შემადგენლობაში საფრანგეთის “ტოპ 14”-ში თამაშს - 25 წლის “ბორჯღალოსანს” კისრის ტრავმა აწუხებს, რაც მას მოედანზე გასვლის საშუალებას არ აძლევს.

საქართველოს 17-წლამდე ნაკრები ევროპის ჩემპიონატის ნახევარფინალში გავიდა - A ჯგუფის გადამწყვეტ მატჩში ქართველებმა ისლანდიელი თანატოლები დაამარცხეს 1:0 და კონტინენტის 4 საუკეთესო გუნდს შორის მოხვდნენ.

სასიამოვნო სიურპრიზი რაგბის ქართველო გულშემატკივრებისათვის - 2012 წლის ევროპის “ერთა თასის” ბოლო მატჩი საქართველოსა და უკრაინის ნაკრებებს შორის,თბილისშია გადმოტანილი.

ლონდონის “არსენალი” აკეთებს ყველაფერს, რათა როგორმე შეინარჩუნოს გუნდის ლიდერი რობინ ვან პერსი - კლუბი უახლოეს პერიოდში ახალ 4-წლიან კონტრაქტს შესათავაზებს ფეხბურთელს, სადაც ჰოლანდიელისათვის განსაკუთებული პირობები იქნება შეტანილი.

საფრანგეთის უმდიდრესი კლუბი “პსჟ” აგრძელებს ბრძოლას მადრიდის “რეალის” ორი ფეხბურთელის, კაკასა და გონსალო იგუაინის ხელში ჩასაგდებად. კლუბის წარმომადგენლები აქტიურად მუშაობენ ორივე მოთამაშის აგენტებთან და უახლოეს გარემოცვასთან ამ ტრანსფერების განსახორციელებლად.

2012 წლის ზაფხულის ოლიმპიური თამაშები ლონდონში 27 ივლისიდან 12 აგვისტომდე ჩატარდება. ხოლო პარა-ოლიმპიურითამაშები –29 აგვისტოდან 9 სექტემბრის ჩათვლით.

“მანჩესთერ სითი” მზად არის ახალი 3-წლიანი კონტრაქტი შესთავაზოს გუნდის მთავარ მწვრთნელს რობერტო მანჩინის. სეზონის ნებისმიერი შედეგით დასრულების შემდეგ იტალიელი მიიღებს შეთავაზებას, რომლის მიხედვითაც მისი ხელფასი წელიწადში 5 მილიონი გირვანქა გახდება.

„ბარსელონას“ უკვე ყოფილმა თავკაცმა პეპ გვარდიოლამ ლონდონის „ჩელსის“ მომხიბლავ წინადადებაზე უარი განაცხადა. რუსი ბიზნესმენი, რომან აბრამოვიჩი პეპ გვარდიოლას ანაზღაურების სახით წელიწადში 15 მილიონ ევროს სთავაზობდა, თუმცა კატოლონიელის გადაბირება მაინც ვერ მოახერხა.

ტურინის “იუვენტუსის” მთავარი ამოცანა ზაფხულის სატრანსფერო პერიოდში მაღალი კლასის ფორვარდის შეძენაა - იტალიელთა სამიზნე ამ მიმართულებით, “მანჩესთერ სითის” ბოსნიელი ფორვარდი ედინ ძეკოა.

“ჩელსის” ბრაზილიელ ცენტრალურ მცველს დავიდ ლუიზს ძალიან სურს მომავალი სეზონიდან “ბარსელონაში” თამაში და დარწმუნებულია, რომ თავისი სათამაშო სტილით ზუსტად ერგება ამ გუნდის მანერას.

“ბარსელონას” კაპიტანი კარლეს პუიოლი ევროპის ჩემპიონატს გამოტოვებს - ამის მიზეზი მარჯვენა მუხლის ტრავმაა, რომელიც 34 წლის ფეხბურთელმა ესპანეთის ჩემპიონატის 37-ე ტურის შეხვედრაში მიიღო “ესპანიოლთან”.