ბრიტანელი მკვლევარები დარწმუნებულები არიან, რომ ძალიან მალე აფრიკის კონტინენტს ეთიოპიისა და სომალის ტერიტორია ჩამოეცლება და მათ ადგილს ახალი ოკეანე დაიკავებს.

თანამგზავრიდან დაკვირვებებმა აჩვენა, რომ 2005 წელს ეთიოპიაში მიწისძვრის დროს წარმოიშვა ბზარი, რომელიც 8 მეტრის სიგანისა და 6 კილომეტრის სიგრძისაა.

სეისმოლოგი ჯეიმს ჰემონდი ბრისტოლის უნივერსიტეტიდან ამტკიცებს, რომ ეს გახლეჩვის პროცესი იდენტურია პროცესისა, რომლებიც ოკეანეების ფსკერზე ხდება. ეს კი ნიშანია იმისა, რომ მომავალში ამ ადგილს ახალი ზღვა შეავსებს, გარკვეული დროის შემდეგ კი ახალი ოკეანის ფორმირებაც მოხდება, რომელიც ადენის ყურესა და წითელ ზღვას მიუერთდება.

ჰემონდი ამბობს, რომ რეგიონის ზოგიერთი ნაწილი, სადაც მიწისძვრის შემდეგ ბზარი გაჩნდა, ზღვის დონიდან ბევრად დაბლა მდებარეობს, ამიტომ ოკეანე ამ ადგილებიდან ერითრეას მხოლოდ 2-მეტრიანი მიწის ნაკვეთითაა გამიჯნული.

დროთა განმავლობაში ეს ბარიერი დაინგრევა და სომალისა და ეთიოპიის ტერიტორიებს წყალი დაფარავს, რაც მისი თქმით, დედამიწაზე ახალი ოკეანის ფორმირების დასაწყისი იქნება.

რაც შეეხება ამ ორ ქვეყანას, როგორც ჰემონდი ამბობს, ისინი „თავისუფალ ცურვას“ დაიწყებენ.