Microsoft-ის მიერ შექმნილი სოციალური ქსელი So.Cl მომხმარებელისთვის უკვე ხელმისაწვდომია. როგორც სერვისის მწარმოებლები ამბობენ, იგი სასარგებლო სერვისი იქნება სტუდენტებისთვის. მისი საშუალებით მომხმარებლებს შეეძლებათ მოიძიონ და ერთმანეთს „გაუზიარონ“ საინტერესო ვებ-გვერდები.

So.Cl (გამოითქმის, როგორც „სოშელ“) Microsoft FUSE Labs-ის კვლევითი ლაბორატორიისა და რამდენიმე უნივერსიტეტის თანამშორმლობის შედეგად შეიქმნა. სასწავლო დაწესებულებებს შორის არიან ვაშინგტონის, სირაკუზისა და ნიუ-იორკის უნივერსიტეტები.

კომპანიის წარმომადგენელთა განცხადებით, So.Cl არ შექმნილა საძიებო სისტემების (Bing-ი და Google) ან  სოციალური ქსელების (Facebook-ი, Twitter-ი და LinkedIn) შესაცვლელად, არამედ იფუნქციონირებს, როგორც მათი დანამატი.

Microsoft-ის სოციალურ ქსელზე დარეგისტრირება არ ხდება. საიტზე შესასვლელად საჭიროა Facebook-ის ან Windows Live-ს ექაუნთის მითითება.

So.Cl-ის დახურული ტესტირება 2011 წლის ნოემბრიდან დაიწყო.

Internet.ge