Microsoft-მა მის მიერ წარმოებული პირველი პლანშეტური კომპიუტერი - Surface წარმოადგინა, რომელმაც კონკურენცია უნდა გაუწიოს Apple-ის iPad-ს.

Microsoft–ის პრეზიდენტმა სტივ ვალმერმა ლოს-ანჟელესში Surface-„კომპიუტერული მოწყობილობების პრინციპულად ახალი ოჯახი“ უწოდა.

აპარატი  გამორჩეულია კლავიატურის სენსორული მოწყობილობითა და  დესკტოპ-ბიზნეს აპლიკაციების სრულიად განსხვავებული მოდელით. ის შეუთავსებელია Windows-ის საოპერაციო სისტემასთან, მათ შორის Microsoft Office-ის ყველა პროგრამასთან.

The Wall Street Journal-ის ინფორმაციით, საკუთარ საოპერაციო სისტემაზე დაფუძნებული ბიზნეს-პლანშეტის გამოტანით Microsoft მობილური მოწყობილობების სფეროში მიღწეული მოკრძალებული წარმატებების კომპენსირებას ცდილობს.

აპარატი სულ 9,3 მილიმეტრია და მისი წონა 1 კილოგრამზე ნაკლებია.

კომპანიამ ტაბლეტ Surface-ის ორი მოდელი წარმოადგინა. მოწყობილობების გაყიდვა სავარაუდოდ 2012 წლის მეორე ნახევრიდან დაიწყება.

Internet.ge