Microsoft-ის გენერალურმა დირექტორმა სტივ ბალმერმა Office ახალი ვერსია წარადგინა. 2013 წლის პაკეტი მომხმარებლისთვის უკვე კარგად ცნობილ პროგრამებთან - Word, Excell, PowerPoint, Outlook და OneNote - ერთად დამატებით ფუნქციასაც ფლობს. მისი საშუალებით პროგრამების განახლება შეგეძლებათ როგორც პერსონალურ კომპიუტერზე, ისე კომპანია Apple-ის პროდუქციაზეც, ოფიციალური საიტიდან. ამისთვის საჭიროა მხოლოდ გადახდის თქვენთვის ხელსაყრელი გადახდის საშუალება აირჩიოთ - ყოველთვიური ან ყოველწლიური.

ახალი პროგრამული უზრუნველყოფის ერთ-ერთი უპირატესობა სოციალურ ქსელებთან პირდაპირი ინტეგრაცია იქნება. მაგალითად, მომხმარებელს Facebook-იდან და LinkedIn-იდან PeopleCard-ის საშუალებით საკონტაქტო ინფორმაციის გადმოტანა შეეძლება.

ახალი Office-ის გადმოტვირთვა კორპორაციის ოფიციალური საიტიდან უკვე შესაძლებელია. Microsoft Office 2013-ის სრული ვერსია გაყიდვაში 2013 წლის დასაწყისში გამოვა.

Internet.ge