Facebook-მა ჰაკერების წასახალისებლად ახალი პროგრამა წამოიწყო. ის, ვინც პირველი აღმოაჩენს სოციალური ქსელის უსაფრთხოების სისტემის სუსტ წერტილებს, 500-დან 10 ათას დოლარამდე თანხას მიიღებს. ანაზღაურება პროგრამის მოწყვლადობის ხარისხზე იქნება დამოკიდებული. ამის შესახებ ინფორმაცია სერვისის ბლოგზე განთავსდა.

კომპანიამ ჰაკერების წახალისება გასულ წელს დაიწყო და ამ დროის განმავლობაში მათ 400 ათასი დოლარი გადაუხადა.

ფულად კომპენსაციას უსაფრთხოების სისტემაში აღმოჩენილი ხარვეზებისთვის სხვა IT-კომპანიებიც აწესებენ. ასეთ მეთოდს უკვე დიდი ხანია იყენებს Google, რომელიც რეგულარულად გასცემს 500-დან 3 ათას დოლარამდე პრემიებს. ჰაკერებს ზოგჯერ Microsoft-იც აჯილდოებს იმ ინფორმაციისთვის, რომელიც ვირუსების აღმოჩენასა და განადგურებაში ეხმარებათ.

Internet.ge